25 қыркүйекте Астанада INNOPROM.QAZAQSTAN халықаралық өнеркәсіптік көрмесі басталды. Көрме ұлттық және өңірлік экспозициялардың, сондай-ақ ЕАЭО елдерінен ірі компаниялардың қатысуымен өтуде.

Іс-шара аясында 12 мың шаршы метрден астам Қазақстан, Ресей, Армения экспозициялары және тақырыптық бөлімдер бойынша 300-ден астам компания ұсынылған. Олардың ішінде: медициналық жабдықтар мен бұйымдар, химия өнеркәсібі, металлургия, өнеркәсіптік IT, машина жасау, құрылыс индустриясы және жиһаз өнеркәсібі, энергетикалық машина жасау және жеңіл өнеркәсіп.

INNOPROM.QAZAQSTAN форумының негізгі бөлігі Қазақстан Республикасының Премьер-министрі Әлихан Смайыловты, Ресей Федерациясы Үкіметінің Төрағасы Михаил Мишустинді, Беларусь Республикасының Премьер-министрі Роман Головченконы, Қырғыз Республикасының Министрлер Кабинетінің төрағасы Ақылбек Жапаровты, сондай-ақ бейінді министрліктердің басшыларын бір сахнаға біріктіретін «Жаңа заманның өнеркәсіптік стратегиялары» атты бас пленарлық сессия болады.

Ауқымды іс-шараның мақсаты – өңірде жаһандық тәжірибе алмасу, өнеркәсіптік кооперацияларды дамыту, жаңа өткізу нарықтарын ашу, серіктестер, тапсырыс берушілер мен жеткізушілерді іздеу үшін перспективалы алаң құру.

Іс-шара әлемнің түкпір-түкпірінен билік өкілдерін, өндірушілер мен бизнес капитандарын біріктіреді. Дөңгелек үстелдер мен пікірталас алаңдары барысында олар жаһандық нарықты дамытудың өзекті мәселелерін талқылайды.

Іскерлік бағдарламаның жеке блогы мамандандырылған сессияларға арналған: «Болашақтың көлігі: сын-тегеуріндер мен шешімдер»; «Металлургиядағы инновациялар және оларды нақты өндіріске енгізу»; «Энергетикаға арналған технологиялар: тиімді, таза, қауіпсіз»; «Өндірісті цифрландыру: табыстың маңызды факторлары», оның барысында спикерлер көлік машиналарын жасау, металлургиядағы инновациялар және оларды енгізу, өндірісті цифрландырудың сәттілік факторларының қазіргі заманғы өзекті мәселелері мен перспективаларын талқылайды.

Сонымен қатар, жоғары оқу орындарының жас мамандары мен түлектері үшін бос орындар жәрмеңкесі жұмыс істейтін болады.

Көрменің форумдық бөлігінің маңызды құрамдас бөлігі ИННОПРОМ серіктестері — Қазақстан мен Ресейдің білім беру орталықтары мен өнеркәсіптік компаниялары дайындаған студенттер мен жас мамандарға арналған «Жаңа өнеркәсіпке арналған жаңа кадрлар» білім беру бағдарламасы болады.

Сондай-ақ, «EXPO» Көрме орталығында мынадай өндіріс салаларындағы ірі кәсіпорындар қатысатын стендтер ұсынылатын болады: сорғы, компрессор және блок-модульдік технологиялық жабдық; кабельдік-өткізгіш өнімдер; өнімнің қорапқа, түсіру жүйелеріне роботтандырылған топтық қаптамасы; пакерлік-зәкірлік жабдық және ұңғымалық құрастырмалар; арматура мен оқшаулағыштар; сепараторлар, сүзгілер, ыдыстар мен аппараттар; қасбеттік кассеталық панельдер, тірек аспалы төбелер және т. б. өндіру.

Өтетін орны: Астана қ., «EXPO» халықаралық көрме орталығы

ҚР Өнәркәсіп және құрылыс министрлігінің Баспасөз қызметі

https://www.gov.kz/memleket/entities/miid/press/news/details/624434?lang=kk